A dixitalización está a transformar profundamente o mundo laboral e a maneira na que se organizan as empresas, se desenvolven os postos de traballo e se negocian os dereitos das persoas traballadoras. Neste curso coñecerás como afectan os cambios tecnolóxicos ás relacións laborais e adquirirás ferramentas prácticas para afrontar os novos retos da negociación colectiva nun contexto cada vez máis dixitalizado.
Ao longo da formación achegaraste ao marco normativo actual, analizarás o impacto das tecnoloxías nas condicións de traballo e comprenderás o papel da gobernanza tecnolóxica e da representación sindical na implantación de ferramentas dixitais, sistemas automatizados e modelos de organización do traballo baseados en datos e algoritmos.
Ademais, aprenderás a identificar riscos e oportunidades derivados da transformación dixital, coñecerás boas prácticas en convenios colectivos e desenvolverás estratexias de negociación adaptadas ás novas contornas laborais.
UD 1. A dixitalización e transformación das relacións laborais
Coñecerás os conceptos básicos da dixitalización e da transformación dixital, os cambios nos modelos organizativos e produtivos, o impacto das plataformas dixitais e das novas tecnoloxías nas condicións laborais, así como os novos perfís profesionais e o papel da representación sindical neste novo contexto.
UD 2. Marco normativo, dereitos laborais e gobernanza da dixitalización
Aprenderás os principais aspectos legais vinculados á dixitalización: dereito á desconexión dixital, protección de datos, intimidade no ámbito laboral, límites do control empresarial mediante ferramentas dixitais e uso de algoritmos na toma de decisións.
UD 3. A dixitalización e a gobernanza tecnolóxica como materias de negociación colectiva
Descubrirás como incorporar a dixitalización á negociación colectiva, abordando cuestións como o teletraballo, a organización do tempo de traballo, a formación continua, a transparencia algorítmica e o impacto da tecnoloxía na igualdade e non discriminación.
UD 4. Estratexias sindicais e ferramentas prácticas de negociación ante a dixitalización
Desenvolverás habilidades prácticas para preparar procesos negociadores en escenarios dixitalizados, identificar riscos e oportunidades, elaborar posicionamentos sindicais e aplicar técnicas de negociación e resolución de conflitos mediante casos prácticos.
Modalidade: Teleformación
Duración: 20 horas
Ud 1. A Dixitalización e transformación das relacións laborais (5 horas)
- Concepto de dixitalización e transformación dixital.
- Cambios nos modelos organizativos e produtivos.
- Plataformas dixitais e novas formas de traballo.
- Impacto da tecnoloxía nas condicións laborais.
- Novos perfís profesionais e necesidades de adaptación formativa.
- Papel da representación sindical ante a transformación dixital.
Ud 2. Marco normativo, dereitos laborais e gobernanza da dixitalización (5 horas)
- Normativa laboral vinculada á dixitalización.
- Dereito á desconexión dixital.
- Protección de datos e dereito á intimidade.
- Sistemas de control empresarial mediante medios dixitais e límites legais.
- Concepto de gobernanza tecnolóxica no ámbito laboral.
- Participación sindical na implantación de tecnoloxías dixitais.
- Uso de algoritmos e toma de decisións automatizadas.
- Principais criterios xurisprudenciais.
Ud 3. A dixitalización e a gobernanza tecnolóxica como materias de negociación colectiva (5 horas)
- A negociación colectiva ante os cambios tecnolóxicos.
- Regulación do teletraballo e traballo a distancia.
- Organización do tempo de traballo en contornas dixitais.
- Formación continua e recualificación profesional.
- Transparencia no uso de ferramentas dixitais e sistemas algorítmicos.
- Impacto da dixitalización na igualdade e non discriminación.
- Exemplos e boas prácticas en convenios colectivos.
Ud 4. Estratexias sindicais e ferramentas prácticas de negociación ante a dixitalización (5 horas)
- Preparación do proceso negociador en escenarios dixitalizados.
- Identificación de riscos e oportunidades da dixitalización.
- Elaboración de posicionamentos sindicais.
- Técnicas de negociación e xestión de conflitos.
- Escenarios de bloqueo e alternativas negociadoras.
- Caso práctico final de negociación colectiva vinculada á dixitalización.
